विस्तृत शान्ति सम्झौताको मर्मविपरीत, संविधानसभा, संविधानको मूल प्रवाहमाथि कुठाराघात गर्दै प्रधानमन्त्रीका विरुद्ध मुद्दा हाल्ने काम भइरहेको छ,’ मकवानपुरको हेटौंडामा समाजवादी मोर्चाले आइतबार आयोजना गरेको सन्देशसभामा सम्बोधन गर्दै उनले भने, ‘मेरो यो भनाइ अदालतमाथि अपमान गर्नु छैन । बरु म अदालतलाई धन्यवाद दिन चाहन्छु । कमसेकम त्यस्ता मुद्दालाई अदालतले पेन्डिङ गरिदिएको छ । तर, मुद्दा त छ । यो सामान्य कुरा होइन । यो मेरो व्यक्तिगत कुरा होइन र थिएन पनि । परिवर्तन र जनताले गरेको त्यागको सम्मान गर्ने कि नगर्ने भन्ने हो ।’उनले आफू प्रधानमन्त्री भएसँगै सरकारले भ्रष्टाचार, बेथिती र कुशासनका विरुद्ध अभियान सञ्चालन गरेसँगै आफूविरुद्ध एक समूह लागेको आरोप लगाए । ‘सरकारको विरुद्ध एक खालको दबाब महसुस भइरहेको छ,’ उनको भनाइ थियो ।

प्रधानमन्त्री दाहालले परिवर्तनको रक्षा र समाजवादी अभियानलाई अगाडि बढाउन समाजवादी मोर्चा गठन भएको बताए