अजरबैजानको नागोर्नो–काराबाखमा रहेको एक इन्धन डिपोमा विस्फोट हुँदा २० जनाको ज्यान गएको छ । डिपाेमा विस्फाेट हुँदा तीन सय जनाभन्दा धेरै घाइते भएका अर्मेनियाली अधिकारीलाई उद्धृत गर्दै बीबीसीले जनाएको छ ।

तीन सय जना मानिसलाई अस्पतालमा भर्ना गरिएकोमा कैयौँको अवस्था गम्भीर रहेको खबरमा उल्लेख छ । नागोर्नो–काराबाख क्षेत्रमा पर्याप्त अस्पताल नहुँदा उपचारमा समस्या भएको छ । विस्फोट के कारणले भएको हो भन्ने अझै स्पष्ट भइसकेको छैन ।

विवादित नागोर्नो–काराबाख क्षेत्रमा एक लाख २० हजार जना जातीय अर्मेनियालीहरूको बहुमत रहेको छ । गएाे हप्ता अजरबैजानले नागोर्नो–काराबाख कब्जा गरेपछि घरबारविहीन भएका धेरै जना अर्मेनिया प्रस्थान गरेका छन् । अर्मेनिया
सरकारले घरबारविहीनलाई शरण दिने बताएको छ ।

(उज्यालो नेपाल)