काठमाण्डौ – काभा पुरुष भलिबल च्यालेन्ज कपमा नेपाल आज आयोजक श्रीलंकासँग पराजित भएको छ । आज भएको खेलमा श्रीलङ्काले नेपाललाई ३–० को सोझो सेटमा पराजित गरेको हो । नेपालले हिजो भएको खेलमा बंगलादेशलाई ३–१ ले र श्रीलंकाले साउदी अरबलाई ३–० ले हराएको थियो ।

नेपालले तेस्रो खेलमा भोलि अफगानिस्तानसँग खेल्नेछ । त्यस्तै नेपालले असोज २६ गते साउदी अरबसँग र असोज २७ गते उज्वेकिस्तानसँग खेल्नेछ । राउन्ड रोबिन लिगपछि अङ्क तालिकाका शीर्ष दुई टोलीले फाइनल तथा त्यसपछिका दुई वटा टोलीले तेस्रो स्थानका लागि खेल्नेछन् । फाइनल र तेस्रो स्थानको खेल असोज २८ गते हुनेछ ।

(उज्यालो नेट्वोर्क)