झापा – नेपाल प्रहरीका प्रहरी उपरीक्षक (एसपी)ले चलाएको जीपसँग मोटरसाइकल ठोक्किएर भएको दुर्घटनामा झापाको कमल गाउँपालिका वडा नम्बर ६ का एक युवकको ज्यान गएको छ ।

कन्काइ नगरपालिका–८ बिरिङ पुलको पूर्वपश्चिम राजमार्गमा जीपको ठक्करबाट मोटरसाइकलमा सवार कमल गाउँपालिका–६ का १८ वर्षीय अनिल मर्डीको ज्यान गएको हो । शुक्रवार राति भएको दुर्घटनामा मोटरसाइकल चालक कमल गाउँपालिका–६ का १९ वर्षीय खगेन्द्र ताजपुरीया र त्यसै ठाउँका १८ वर्षीय पुजन राजवंशी घाइते भएका जिल्ला प्रहरी कार्यालय झापाका प्रवक्ता खगेन्द्रप्रसाद रिजालले जानकारी दिनुभयो।

पूर्वबाट पश्चिमतर्फ जाँदै गरेको मे १ च ७८३९ नम्बरको जीप र विपरीत दिशाबाट आउँदै गरेको मे १० प १६६९ नम्बरको मोटरसाइकल आपसमा ठोक्किएका थिए ।

जीप चालक नेपाल प्रदेश प्रहरी कार्यालय धरानमा कार्यरत प्रहरी उपरीक्षक ५१ वर्षीय भीमबहादुर दाहाललाई नियन्त्रणमा लिइ घटनाबारे थप अनुसन्धान भइरहेको उहाँले बताउनुभयो ।

(The Himalayan)